ಗೌರವಾನ್ವಿತ ಪ್ರಧಾನ ಕಾರ್ಯದರ್ಶಿಗಳು ( PCAS ), ಒಳಾಡಳಿತ ಇಲಾಖೆ ಇವರ ಸಂದೇಶ / Message from Honourable Principal Secretary to Government ( PCAS ), Home Department
ನಮ್ಮ ರಾಷ್ಟ್ರದ ಸಶಸ್ತ್ರ ಪಡೆಗಳು ದೇಶದ ಭೂಮಿ, ಜಲ ಮತ್ತು ವಾಯು ಪ್ರದೇಶದ ಒಟ್ಟಾರೆ ಸುರಕ್ಷತೆಯಲ್ಲಿ ಕಾಪಾಡುವುದೂ ಸೇರಿದಂತೆ ದೇಶವನ್ನು ಬಾಹ್ಯ ಆಕ್ರಮಣ, ಆಂತರಿಕ ಗಲಭೆ ಮತ್ತು ನೈಸರ್ಗಿಕ ವಿಕೋಪಗಳಿಂದ ಕಾಪಾಡಲು ಸದಾ ಸನ್ನದ್ದರಾಗಿವೆ.
ನಮ್ಮ ರಾಜ್ಯದ ಅಧಿಕಾರಿಗಳು ಮತ್ತು ಸೈನಿಕರು ದೇಶ ರಕ್ಷಣೆ ಕಾರ್ಯದಲ್ಲಿ ಸದಾ ಸನ್ನದ್ಧರಾಗಿದ್ದು, ತಮ್ಮ ಪ್ರಾಣದ ಹಂಗು ತೊರೆದು ಹೋರಾಡಿರುವ ಸಾಕಷ್ಟು ಉದಾಹರಣೆಗಳಿವೆ. ನಾನು ಯುದ್ಧ ಸಂತ್ರಸ್ಥರ ಮತ್ತು ಮಾಜಿ ಯೋಧರ ಕಲ್ಯಾಣ ಮತ್ತು ಪುನರ್ವಸತಿ ಸಂಬಂಧ ಕಾರ್ಯಪ್ರವೃತ್ತನಾಗಿರುವ ಶುಭಯೋಗ ದೊರಕಿರುವುದು ಸಂತೋಷ ತಂದಿರುತ್ತದೆ. ಯುದ್ಧ ಸಂತ್ರಸ್ಥರಿಗೆ ಹಾಗೂ ಮಾಜಿ ಸೈನಿಕರಿಗೆ ಇನ್ನೂ ಹೆಚ್ಚಿನ ಸೌಲಭ್ಯ ಸೇವೆ ಒದಗಿಸುವ ಸಂಬಂಧ ನಾವು ಇಲಾಖೆಯ ಆಂತರ್ಜಾಲವನ್ನು ಜಾರಿಗೆ ತಂದಿದ್ದೇವೆ. ಈ ಅಂತರ್ಜಾಲದ ಮುಖಾಂತರ ಕೇಂದ್ರ ಮತ್ತು ರಾಜ್ಯ ಸರ್ಕಾರದಿಂದ ಲಭ್ಯವಿರುವ ಸೌಲಭ್ಯಗಳ ಮಾಹಿತಿ ಅಲ್ಲದೆ ಉದ್ಯೋಗದಾತರಿಂದ ಕೇಳಲಾದ ಉದ್ಯೋಗ ಮಾಹಿತಿಯೂ ಲಭ್ಯವಿರುತ್ತದೆ. ಇದರಿಂದಾಗಿ ಮಾಜಿ ಸೈನಿಕರಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಉದ್ಯೋಗ ದೊರಕುವುದೆಂದು ನಾನು ಊಹಿಸುತ್ತೇನೆ.
ನಿರ್ದೇಶಕರು, ಸೈನಿಕ ಕಲ್ಯಾಣ ಮತ್ತು ಪುನರ್ವಸತಿ ಇಲಾಖೆ ಇವರ ಸಂದೇಶ / Message from the Director, Department of Sainik Welfare & Resettlement
ನಾವು ಸೈನಿಕ ಕಲ್ಯಾಣ ಮತ್ತು ಪುನರ್ವಸತಿ ಇಲಾಖೆಯ ಸದಸ್ಯರು ಯುದ್ಧ ಸಂತ್ರಸ್ಥರು ಮತ್ತು ಅವರ ಅವಲಂಬಿತರ ಕಲ್ಯಾಣಕ್ಕಾಗಿ ಮತ್ತು ಪುನರ್ವಸತಿಗಾಗಿ ವೃತ್ತಿಪರತೆಯಿಂದ ಅತ್ಯುತ್ತಮ ಕಾರ್ಯನಿರ್ವಹಿಸಲು ಸನ್ನದ್ಧರಿದ್ದೇವೆ.
ನಮ್ಮ ರಾಜ್ಯವು ಫೀಲ್ಡ್ ಮಾರ್ಷಲ್ ಕೆ ಎಮ್ ಕಾರ್ಯಪ್ಪ, ಜನರಲ್ ಕೆ ಎಸ್ ತಿಮ್ಮಯ್ಯ, ಜನರಲ್ ಜಿ ಜಿ ಬೇವೂರ, ಎಯರ್ ಚೀಫ್ ಮಾರ್ಷಲ್ ಎಲ್ ಎಮ್ ಕತ್ರೆ ಮತ್ತು ಅಡ್ಮಿರಲ್ ಓ ಎಸ್ ಡಾಸನ್ ಇವರಂತಹ ಹಿರಿಯ ಸೇನಾಧಿಕಾರಿಗಳನ್ನು ದೇಶಕ್ಕೆ ನೀಡಿದೆ. ಕರ್ನಾಟಕ ಸರ್ಕಾರವು ಮಾಜಿ ಸೈನಿಕರ ಹಾಗೂ ಯುದ್ಧ ಸಂತ್ರಸ್ಥರ ಕಲ್ಯಾಣ ಕಾರ್ಯಕ್ರಮದಲ್ಲಿ ಸದಾ ಸನ್ನದ್ಧವಾಗಿರುತ್ತದೆ. ನಮ್ಮ ರಾಜ್ಯದಲ್ಲಿ ಸುಮಾರು 75,000/- ಕ್ಕಿಂದ ಹೆಚ್ಚು ಮಾಜಿ ಸೈನಿಕರು ಮತ್ತು 400 ಕ್ಕಿಂತ ಹೆಚ್ಚಿನ ಸಂಖ್ಯೆಯ ಯುದ್ಧ ಸಂತ್ರಸ್ಥರು ಮತ್ತು ಸುಮಾರು 19,200 ಮೃತ ಮಾಜಿ ಸೈನಿಕರ ಪತ್ನಿಯರು ನೊಂದಾಯಿತರಿದ್ದಾರೆ. ನೋಂದಾಯಿಸದೆ ಇರುವ ಮಾಜಿಸೈನಿಕರು ಬಹಳಷ್ಟಿದ್ದು, ಒಟ್ಟು ಸುಮಾರು 3.5 ಲಕ್ಷ ಮಾಜಿಸೈನಿಕರ ಅವಲಂಬಿತರಿರಬಹುದೆಂದು ಅಂದಾಜಿಸಲಾಗಿದೆ.